Aybəniz  Növrəsli 1987-ci ildə Bakı şəhərində anadan olmuşdur. 2004-cü ildə Bülbül adına Orta İxtisas Musiqi Məktəbinin Tarixi-nəzəriyyə şöbəsini bitirmiş, həmin ildə Üzeyir Hacıbəyli adına Bakı Musiqi Akademiyasına daxil olmuşdur. 2008-ci ildə bakalavr (N. Mirişlinin “Mərasim” simfoniya-konserti), 2010-cu ildə isə magistr pilləsini (XX əsr Azərbaycan bəstəkarlarının fortepiano yaradıcılığı) professor Ülviyyə İmanovanın sinfi üzrə fərqlənmə diplomu ilə başa vurmuşdur.
2012-ci ildə Elmira Abbasovanın adını daşıyan musiqişünaslıq müsabiqəsinin qalibi olmuşdur. 2018-ci ildə “Müasir Azərbaycan musiqisi kontekstində Aqşın Əlizadənin üslub axtarışları” mövzusunda dissertasiya müdafiə edərək sənətşünaslıq üzrə fəlsəfə doktoru elmi dərəcəsini almışdır. 2011–2025-ci illərdə Bakı Musiqi Akademiyasının “Musiqi tarixi” kafedrasında çalışmış, 2016-cı ildən baş müəllim və elmi katib vəzifələrini icra etmişdir.
Bir sıra kitabların tərtibçisi və redaktoru olmuş, beynəlxalq festivalların təşkilat komitələrində iştirak etmişdir. 2022–2024-cü illərdə M. Maqomayev adına Azərbaycan Dövlət Akademik Filarmoniyasının konsert şöbəsinin müdiri vəzifəsində çalışmışdır. 2024-cü ildən Qarabağ Universitetinin İncəsənət fakültəsində baş müəllim kimi fəaliyyət göstərir.

Bakalavr təhsili: Bakı Musiqi Akademiyası
İxtisas: Musiqişünaslıq
2004–2008

Magistratura: Bakı Musiqi Akademiyası
İxtisas: Musiqişünaslıq
2008–2010

Tarixi musiqişünaslıq; Azərbaycan musiqi tarixi; Musiqi nəzəriyyəsi və analizi; Muğamşünaslıq; Musiqidə mədəniyyətşünaslıq tədqiqatları