Ölkənin aparıcı ali təhsil müəssisələrində geniş pedaqoji təcrübəyə malikdir. 1996-1998–ci illərdə Lomonosov adına Moskva Dövlət Universitetinin Biologiya fakültəsinin ekologiya mərkəzində iki illik kurs keçib. 2007-2024 illərdə Azərbaycan Elm və Təhsil Nazirliyinin Riyaziyyat və Mexanika institutunun “Qeyri-harmonik analiz” şöbəsinin əməkdaşı olub. 2015-2016-cı illərdə Bakı Biznes universitetinin “Ali riyaziyyat” kafedrasının müəllimi olub. 2016-2024-cü illərdə Xəzər Universitetinin “Riyaziyyat” departamentinin saat hesabı qaydasında müəllimi kimi fəaliyyət göstərib. Bu müddət ərzində elementar riyaziyyat, riyazi analiz, ali cəbr, analitik həndəsə, ehtimal nəzəriyyəsi və s. fənlərindən dərs deyib.

Bir çox qrant layihələrinin iştirakçısı olub, o cümlədən Azərbaycan Respublikası Elm fondunun “Regional ekoloji monitorinq mərkəzi sisteminin riyazi modelləşdirilməsi və proqram təminatı” qrant layihəsinin icraçısı olub.

30-dan çox elmi nəşrin müəllifidir və bir sıra elmi-tədqiqat layihələrində iştirak etmişdir.

Elmi fəaliyyətinin bir hissəsi kimi, Banax fəzasında sonsuz defektə malik sistemin bazisliyi üçün kriteriya vermiş, sistemin bazisliyi üçün kafi şərtlər tapmışdır. Multiplikator dilində həyəcanlanmış eksponent sistemə və sinus-kosinus sistemlərinə nəzərən “1/4-Kadets” teoreminin Lp-analoqunu tapmışdır. Çəkili Lebeq fəzasında sinus-kosinus tipli sistemlərin bazislik xassələri arasında əlaqələr vermişdir.

Təhsili

2017

Dosent

2013

Riyaziyyat üzrə fəlsəfə doktoru (Phd)

1982-1990

Bakı Dövlət Universiteti

Riyaziyyatçı / Riyaziyyat müəllimi

Tədqiqat maraqları

Approksimasiya nəzəriyyəsi
Bazislər və yaxın bazislər nəzəriyyəsi