Nərmin Rzayeva 1994-cü ildə Bakı şəhərində anadan olmuşdur. Fortepiano və
bəstəkarlıq üzrə ilk musiqi təhsilini G.G. Şaroyev adına musiqi məktəbində almış və
fərqlənmə diplomu ilə bitirmişdir. 2011–2015-ci illərdə Üzeyir Hacıbəyli adına Bakı
Musiqi Akademiyasında bakalavr, 2017–2019-cu illərdə isə solo fortepiano ixtisası üzrə
magistr təhsili almışdır.
2009–2012-ci illərdə Azərbaycan Dövlət Gənclər Xalq Çalğı Alətləri Orkestrinin solisti və
konsertmeysteri olmuş, 2015–2022-ci illərdə Azərbaycan Dövlət Akademik
Filarmoniyasında konsertmeyster kimi fəaliyyət göstərmişdir. Kamera və simfonik
repertuar üzrə geniş təcrübəyə malikdir.
Bir sıra beynəlxalq müsabiqə və festivalların laureatıdır. 2024-cü ildə Vyana Beynəlxalq
Piano Müsabiqəsində III yerə layiq görülmüşdür. Müxtəlif ölkələrdə solo və ansambl
konsert proqramları ilə çıxış etmişdir.
Hazırda Qarabağ Universitetinin İncəsənət fakültəsində müəllim kimi fəaliyyət göstərir.

Bakalavr təhsili:
Ü.Hacıbəyli adına Bakı Musiqi Akademiyası
İxtisas: İnstrumental ifaçılıq (Fortepiano)
2011–2015

Magistratura:
Ü.Hacıbəyli adına Bakı Musiqi Akademiyası
İxtisas: İnstrumental ifaçılıq (Fortepiano)
2017–2019

Piano ifaçılığı; Azərbaycan piano repertuarı; İfaçılıq təcrübəsi; Piano pedaqogikası; Kamera musiqisi