Fənnin tədris edildiyi dil
Azerbaijani
Fənnin təsviri
Bu fənn Yer səthində baş verən təbii hadisələrin, proseslərin və komponentlərin qarşılıqlı əlaqəsini öyrənir. Fənnin məqsədi Yer kürəsinin təbii mühitini təşkil edən landşaftların, relyefin, iqlim şəraitinin, su ehtiyatlarının, torpaq və bitki örtüyünün formalaşma qanunauyğunluqlarını izah etməkdir. Fənn çərçivəsində fiziki coğrafiyanın əsas bölmələri – geomorfologiya, klimatologiya, hidrologiya, torpaqşünaslıq və biocoğrafiya üzrə nəzəri biliklər verilir. Tələbələr təbii proseslərin məkan və zaman üzrə dəyişməsini, onların qarşılıqlı əlaqəsini və insan fəaliyyətinə təsirini təhlil etməyi öyrənirlər. Bu fənn tələbələrdə təbii-coğrafi şəraitin qiymətləndirilməsi, xəritə materialları əsasında təhlil aparmaq, təbii mühitdə baş verən dəyişiklikləri izləmək və onların tədris prosesinə tətbiqini həyata keçirmək bacarıqları formalaşdırır.
