Fənnin tədris edildiyi dil
Azerbaijani
Fənnin təsviri
Bu fənn canlı orqanizmlərlə onların mühitləri arasındakı qarşılıqlı əlaqələri və davamlı inkişafın əsas prinsiplərini öyrədir. Fənn çərçivəsində ekosistemlərin quruluşu və fəaliyyəti, populyasiya və biocəmiyyətlərin dinamikası, enerji və maddə dövranı, bioloji müxtəlifliyin qorunması, qlobal ekoloji problemlər və onların həlli yolları müzakirə olunur. Davamlı inkişaf konsepsiyasının ekoloji, iqtisadi və sosial aspektləri, təbii resursların idarə olunması, bərpa olunan enerji mənbələrinin tətbiqi və ekoloji siyasət məsələləri əhatə edilir. Fənn tələbələrdə ekoloji düşüncə tərzi formalaşdırır, müasir cəmiyyətin inkişafında davamlı yanaşmaların zəruriliyini dərk etməyə və ekoloji problemlərin elmi əsaslarla həllini qiymətləndirməyə imkan yaradır.
