Gülay Amanova 1996-cı ildə Bakı şəhərində anadan olmuşdur. 2018-ci ildə ADA Universitetinin İqtisadiyyat fakültəsini bitirmiş, daha sonra Almaniyada Fridrix Aleksandr Universitetində İqtisadiyyat üzrə magistr təhsilini tamamlamışdır. Magistr dissertasiyası Azərbaycanda əmək bazarında gender bərabərsizliyinin empirik qiymətləndirilməsinə həsr olunmuş, bu çərçivədə sorğu məlumatları, ekonometrik modellər və müqayisəli beynəlxalq yanaşmalardan istifadə edilmişdir.Onun elmi maraqları əmək bazarı iqtisadiyyatı, gender bərabərsizliyi, səhiyyə iqtisadiyyatı, tətbiqi ekonometrika və iqtisadi siyasətin qiymətləndirilməsi sahələrini əhatə edir. Tədqiqat fəaliyyətində iqtisadi qərarvermə proseslərinin təhlili, qəbul edilmiş qanun və siyasətlərin iqtisadi təsirlərinin qiymətləndirilməsi, dövlət proqramlarının effektivliyinin ölçülməsi və sübuta əsaslanan siyasət yanaşmalarının inkişaf etdirilməsi xüsusi yer tutur.Peşəkar fəaliyyətində müxtəlif dövlət qurumlarında iqtisadçı kimi çalışmış, kənd təsərrüfatı, nəqliyyat, İKT və səhiyyə sahələrində siyasət yönümlü iqtisadi təhlillər aparmışdır. Hazırda Qarabağ Universitetində iqtisadiyyat üzrə müəllim kimi fəaliyyət göstərir.

Bakalavr dərəcəsi – İqtisadiyyat, ADA University, 2018

Magistr dərəcəsi – İqtisadiyyat, Friedrich-Alexander University (FAU), 2025

DAAD ERP Təqaüdü, Almaniya

• Əmək bazarı iqtisadiyyatı
• Səhiyyə iqtisadiyyatı və səhiyyə maliyyələşməsi
•  Ekonometrika və empirik metodlar