Xəlilov Rüfət Elşad oğlu 12 iyul 1998-ci ildə Bakı şəhərində anadan olmuşdur. 2004–2015-ci illərdə Bülbül adına Orta İxtisas Musiqi Məktəbində orta və musiqi təhsili almışdır. 2019-cu ildə Üzeyir Hacıbəyli adına Bakı Musiqi Akademiyasının Tarix-nəzəriyyə fakültəsinin xor dirijorluğu ixtisası üzrə bakalavr pilləsini fərqlənmə diplomu ilə bitirmişdir. Hazırda həmin ali təhsil müəssisəsində magistratura səviyyəsində təhsilini davam etdirir.
2019–2020-ci illərdə Azərbaycan Respublikası Silahlı Qüvvələrində həqiqi hərbi xidmət keçmişdir. Respublika və beynəlxalq müsabiqələr laureatıdır. 2018-ci ildə Türkiyədə, 2019-cu ildə Qazaxıstanda keçirilən “Caspi Art” beynəlxalq müsabiqələrində I yerə layiq görülmüşdür. Bədii rəhbəri və dirijoru olduğu “Qərbi Kaspi” və Qarabağ Universitetinin xor kollektivləri 2024–2025-ci illərdə keçirilən respublika və beynəlxalq festivallarda birinci yerlər qazanmışdır.
Bir sıra tanınmış dirijorlarla əməkdaşlıq etmiş, nüfuzlu beynəlxalq musiqi festivallarında iştirak etmişdir. 2024-cü ildən Qarabağ Universitetinin İncəsənət fakültəsində xormeyster və müəllim kimi fəaliyyət göstərir.

Bakalavr təhsili: Bakı Musiqi Akademiyası
İxtisas: Dirijorluq
2015–2019

Magistratura: Bakı Musiqi Akademiyası
İxtisas: Dirijorluq
2023–2025

Xor dirijorluğu; Xor məşq metodikası; Azərbaycan xor repertuarı; Vokal ansambl ifaçılığı; Partitura analizi.