Eytiram Hüseynov 18 oktyabr 1980-ci ildə Laçın rayonunun Hacısamlı kəndində anadan olmuşdur. İbtidai təhsilinə doğma kəndində başlamış, 1992-ci ildə Laçının işğalından sonra təhsilini Bakı şəhərində davam etdirmişdir. Erkən yaşlarından muğam sənətinə böyük maraq göstərmiş, “Ağdam muğam məktəbi”ndə ilkin musiqi təhsili almışdır. 1994–1995-ci illərdə Azərbaycan Dövlət Televiziya və Radio Verilişləri Şirkətinin “Bənövşə” uşaq xorunun üzvü kimi səhnə fəaliyyətinə başlamışdır.
1997-ci ildə Asəf Zeynallı adına Musiqi Kollecinə daxil olmuş, xanəndəlik ixtisası üzrə peşəkar təhsil almışdır. 2007-ci ildə “Muğam” televiziya müsabiqəsinin laureatı olmuşdur. Azərbaycan Milli Konservatoriyasında təhsilini davam etdirərək Solo oxuma (xanəndəlik) ixtisası üzrə magistr dərəcəsi almışdır.
2011-ci ildən etibarən beynəlxalq səviyyədə tanınmış, BMT-nin Nyu-Yorkdakı qərargahında və Kanada Niaqara Beynəlxalq Musiqi Festivalında çıxış etmiş, Beynəlxalq Muğam Müsabiqəsinin qalibi olmuşdur. Dünyanın bir çox ölkəsində Azərbaycan muğam sənətini uğurla təmsil etmişdir. 2015-ci ildə Naxçıvan Muxtar Respublikasının, 2017-ci ildə isə Azərbaycan Respublikasının “Əməkdar artist” fəxri adına layiq görülmüşdür. Hazırda Qarabağ Universitetində müəllim kimi fəaliyyət göstərir.

Bakalavr təhsili: Azərbaycan Milli Konservatoriyası
İxtisas: Solo oxuma
2007–2012

Magistratura: Azərbaycan Milli Konservatoriyası
İxtisas: Xanəndəlik sənətinin tarixi, nəzəriyyəsi və metodikası
2013–2015

Əməkdar artist, Naxçıvan Muxtar Respublikasının Əməkdar artisti

Solo oxuma; Vokal ifaçılıq; Muğam ifaçılığı; Muğamın tarixi və nəzəriyyəsi; İfaçılıq praktikası; Vokal pedaqogikası; Azərbaycan ənənəvi musiqisinin interpretasiyası