Fənnin tədris edildiyi dil
English and Azerbaijani
Fənnin təsviri
Ümumi məqsəd
Bu blokun məqsədi tələbələrə əvvəlki illərdə əldə etdikləri bilik və bacarıqları təcili tibbi yardım, mamalıq–ginekologiya, cərrahiyyə və reanimasiya sahələrində real klinik mühitdə möhkəmləndirmək və tətbiq etmək imkanı yaratmaqdır. Təcrübəli tibb bacıları və qardaşları, eləcə də həkimlərin nəzarəti altında tələbələr pasiyentin müşahidəsi, ilkin tibbi yardımın göstərilməsi, klinik prosedurların icrası və səhiyyə komandası daxilində əməkdaşlıq üzrə kompetensiyalarını inkişaf etdirirlər.
Xüsusi məqsədlər
Təcili tibb bacılığı və qardaşlığı – Tələbələrin nəzarət altında təcili hallarda ilkin pasiyent qiymətləndirilməsini aparması, həyati funksiyaların bərpasını təmin etməsi və əsas həyatqurtarıcı müdaxilələri həyata keçirməsi.
Mamalıq və ginekologiya üzrə tibb bacılığı və qardaşlığı – Tələbələrin qadın sağlamlığı, hamiləlik, doğuş və doğuşdan sonrakı qayğının idarə olunmasında müşahidə və iştirak etməsi, ana və yenidoğulmuş qayğısı üzrə praktik bacarıqlarının gücləndirilməsi.
Cərrahi tibb bacılığı və qardaşlığı – Tələbələrdə əməliyyataqədər və əməliyyatdan sonrakı pasiyent qayğısı, yara sarğısı, sterilizasiya və aseptik–antiseptik prinsiplərin praktik tətbiqi üzrə bacarıqların inkişaf etdirilməsi.
Anesteziologiya və reanimasiya – Tələbələrə həyati orqan funksiyalarının monitorinqi, hava yolunun idarə olunması və kritik vəziyyətlərdə komanda işi üzrə təcrübənin formalaşdırılması məqsədilə anesteziya və reanimasiya prosedurlarında nəzarət altında iştirak imkanı verilməsi.
