Elm və Təhsil Nazirliyi və Elm və Təhsil İşçiləri Həmkarlar İttifaqı Respublika Komitəsinin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunan ali məktəb tələbələrinin bədii yaradıcılıq müsabiqə-festivalının II mərhələsi çərçivəsində növbəti seçim turu Qarabağ Universitetində keçirilib.

Seçim turunda iştirak edən 37 tələbə vokal (klassik və müasir bəstəkar mahnıları), bədii qiraət, rəqs və digər yaradıcı istiqamətlər üzrə öz bacarıqlarını nümayiş etdiriblər.

Qeyd edək ki, seçim mərhələlərinin nəticələrinə əsasən fərqlənən iştirakçılar Heydər Əliyev Sarayında keçiriləcək yekun mərhələdə çıxış etmək hüququ qazanacaq, qaliblər isə müvafiq mükafatlarla təltif olunacaqlar.