Qarabağ Universitetinin Tibb və Sağlamlıq Elmləri Fakültəsində “Metabolik sindrom: biomolekulyar mexanizmlər və klinik təqdimat” mövzusunda elmi panel təşkil olunub.

Panel çərçivəsində metabolik sindromun biomolekulyar əsasları, patofizioloji mexanizmləri və klinik tətbiqləri üzrə geniş müzakirələr aparılıb. Sessiya multidisiplinar yanaşma əsasında keçirilərək iştirakçılara mövzunun həm nəzəri, həm də praktik aspektlərini dəyərləndirmək imkanı yaradıb.

Panel tələbələrin sistemli, analitik və sübuta əsaslanan düşünmə bacarıqlarının inkişafına töhfə verən mühüm akademik platforma rolunu oynayıb. Xüsusilə elmi biliklərin gələcək klinik praktikada tətbiqinin əhəmiyyəti vurğulanıb.

Qarabağ Universitetində həyata keçirilən bu kimi akademik təşəbbüslər tələbələrin elmi baxışlarının genişləndirilməsində və onların müasir tibb təhsili standartlarına uyğun hazırlanmasında mühüm rol oynayır.