Belarus Respublikasının Azərbaycan Respublikasındakı fövqəladə və səlahiyyətli səfiri Dmitry Pinevich Qarabağ Universitetinə rəsmi səfər edib.

Səfər çərçivəsində səfir Qarabağ Universiteti Klinikasının baş direktoru və Tibb və Sağlamlıq Elmləri Fakültəsinin dekanı Samir Babayev ilə görüşüb. Görüş zamanı qonağa Klinikanın fəaliyyəti, fakültənin təhsil modeli, müasir infrastrukturu və texniki imkanları haqqında ətraflı məlumat təqdim olunub.

Görüşdə tibb təhsili, səhiyyə infrastrukturunun inkişafı və gələcək əməkdaşlıq imkanları üzrə fikir mübadiləsi aparılıb. Tərəflər tibbi təhsilin keyfiyyətinin artırılması və innovativ yanaşmaların təşviqi baxımından beynəlxalq əməkdaşlıqların əhəmiyyətini xüsusi vurğulayıblar.

Qarabağ Universitetində beynəlxalq əlaqələrin gücləndirilməsi və qlobal tərəfdaşlıqların genişləndirilməsi strateji prioritetlər sırasında yer alır.