Fənnin tədris edildiyi dil
Azerbaijani
Fənnin təsviri
Bu fənn Yer üzərində su ehtiyatlarının formalaşması, dövranı, paylanması və istifadəsi qanunauyğunluqlarını öyrənir. Fənn çərçivəsində hidrosferin strukturu, su balansı, su hövzələrinin (okean, dəniz, göl, çay, yeraltı sular və buzlaqlar) xüsusiyyətləri və qarşılıqlı təsirləri izah edilir. Tələbələr hidrometeoroloji prosesləri, çay axınının formalaşma mexanizmlərini, yeraltı suların tiplərini, su ehtiyatlarının təsnifatını və su resurslarının idarə olunması prinsiplərini öyrənir, hidrologiyanın təbii fəlakətlərin (daşqın, quraqlıq, torpaq sürüşməsi) qarşısının alınmasında və davamlı inkişafda rolu barədə ətraflı məlumat əldə edirlər. Fənn gələcəyin coğrafiya müəllimləri üçün su ehtiyatlarının ekoloji, iqtisadi və sosial əhəmiyyətini dərk etmək və bu bilikləri pedaqoji fəaliyyətlərində tətbiq etmək imkanı yaradır.
