2007-ci ildə Azərbaycan ədəbiyyatı ixtisasında filologiya üzrə fəlsəfə doktoru elmi dərəcəsinə, 2016-cı ildə dosent elmi adına, 2024-cü ildə filologiya elmləri doktoru elmi dərəcəsinə layiq görülmüşdür. 

Ölkənin aparıcı orta ixtisas və ali təhsil müəssisələrində geniş pedaqoji fəaliyyət təcrübəsinə malikdir. C.Naxçıvanski adına Hərbi Liseydə, Bakı Dövlət Universiteti, Azərbaycan Dövlət Pedaqoji Universiteti, Azərbaycan Dillər Universiteti, Bakı Slavyan Universitetində SABAH qruplarında təhsil alan tələbələrə Azərbaycan ədəbiyyatı, Azərbaycan dilinin tarixi, Azərbaycan dili və ədəbiyyatın tədrisi metodikası fənlərini tədris etmişdir. AMEA Nizami Gəncəvi adına Ədəbiyyat İnstitutunda elmi işçi, Hüseyn Cavidin Ev Muzeyində aparıcı elmi işçi, Məhəmməd Füzuli adına Əlyazmalar İnstitutunda elmi katib və elmi işlər üzrə direktor müavini vəzifələrində çalışmışdır. 

120-dən çox elmi nəşrin, o cümlədən monoqrafiya və dərs vəsaitlərinin müəllifidir, ölkədə və xaricdə bir sıra elmi-tədqiqat layihələrində iştirak etmişdir. Elmi tədqiqatları klassik və müasir Azərbaycan şairlərinin yaradıcılığının poetikalinqvistik, psixopoetik və komparativistik istiqamətdə tədqiqinə yönəlmişdir. Hal-hazırda Qarabağ Universitetinin Filologiya kafedrasının müdiridir.

2011 – 2015

AMEA Nizami Gəncəvi adına Ədəbiyyat İnstitutu

Azərbaycan ədəbiyyatı, DSc

2002 – 2005

AMEA Nizami Gəncəvi adına Ədəbiyyat İnstitutu

Azərbaycan ədəbiyyatı, Doktorantura dərəcəsi

2000 – 2002

Bakı Dövlət Universiteti

Azərbaycan ədəbiyyatı, Magistr dərəcəsi

1996 – 2000

Bakı Dövlət Universiteti

Filologiya, Azərbaycan dili və ədəbiyyat, Bakalavr dərəcəsi

• “Vətən naminə” medalı,
• “Nizami Gəncəvi – 880” xatirə döş nişanı

• Nizamişünaslıq
• Füzulişünaslıq
• Cavidşünaslıq
• Müqayisəli ədəbiyyatşünaslıq