Venera Dadaşova
Bioqrafiya
2013–2017-ci illərdə Azərbaycan Dövlət Pedaqoji Universitetində təhsilini fərqlənmə diplomu ilə başa vurduqdan sonra, 2018–2021-ci illərdə Türkiyədə, Eskişehir Anadolu Universitetinin Təhsilin Elmləri Fakültəsində “Təhsilin İdarə Edilməsi” ixtisası üzrə magistratura təhsilini yüksək akademik göstərici (ÜMOG 3.96/4) ilə tamamlamış və Türkiyə dövləti “Akademik Nailiyyət” təqaüdünə layiq görülmüşdür. 2021-ci ildə eyni universitetdə Türkiyə respublikasının dövlət təqaüdün proqramına seçilərək doktorantura (PhD) başlamış və hazırda təhsilini bitirmək üzrə davam etdirir.
Magistratura dövründə universitetin Stratejik Araşdırmalar Mərkəzində (ANASAM) tədqiqatçı kimi fəaliyyət göstərmiş, təhsil sistemləri üzrə müqayisəli təhlillər və analitik hesabatlar hazırlamışdır. 2018-ci ildən etibarən Təhsil Elmləri Fakültəsində həyata keçirilən elmi layihələrdə iştirak edərək müəllimlərin psixoloji kapitalı, motivasiya və təhsil idarəçiliyi üzrə tədqiqatlar aparmışdır.
Təhsili
2021- davam edir
Anadolu Universiteti, Türkiyə
Təhsilin İdarə Edilməsi, Doktorantura
2018-2021
Anadolu Universiteti, Türkiyə
Təhsilin İdarə Edilməsi, Magistr dərəcəsi
2013-2017
Azərbaycan Dövlət Pedaqoji Universiteti
Təhsildə Sosial-Psixoloji Xidmət, Bakalavr dərəcəsi
Mükafatlar
2020-2021 Türkiyə Dövləti Təqaüdü “Akademik Nəaliyyət” mükafatı
2019–2020-ci il Eskışehir Azərbaycanlılar Dərnəyi “Akademik Nəaliyyət” mükafatı (2 dəfə)
Tədqiqat maraqları
- Müəllimlərin Psixoloji Kapitalı: Ümid, özünə inam, davamlılıq və optimizm kimi psixoloji faktorların müəllim fəaliyyətinə təsiri.
- Peşəkar Davamlılıq və Müəllim Motivasiyası: Müəllimlərin uzunmüddətli peşəkar fəaliyyəti və davamlılığına təsir edən amillərin araşdırılması.
- Təhsil İdarəçiliyi və Liderlik: Təhsil müəssisələrində idarəetmə yanaşmaları və pedaqoji liderliyin müəllim performansına təsiri.
- Xüsusi Təhsildə Müəllim Problemləri: Xüsusi təhsil məktəblərində çalışan müəllimlərin qarşılaşdıqları çətinliklər və peşəkar ehtiyaclar.
- Empirik və Sahə Tədqiqatları: Dövlət məktəblərində aparılmış anket əsaslı empirik araşdırmalarla statistik təhlillərin aparılması.