Fənnin tədris edildiyi dil
Azerbaijani
Fənnin təsviri
Bu fənn tələbələri Azərbaycan dilinə diqqət yetirməklə dilçilik elmi ilə tanış edir, dilin quruluşunu, səs sistemini, qrammatikasını və leksik tərkibini öyrənərək dilçilikdə fundamental anlayış və nəzəriyyələri araşdırır. Əhatə olunan mövzulara fonetika (danışıq səsləri), fonologiya (səs nümunələri), morfologiya (sözün quruluşu), sintaksis (cümlə quruluşu), semantika (məna) və sosiolinqvistika (sosial kontekstdə dil) daxildir. Müzakirə xarakterli tapşırıqlar, mətnin linqvistik təhlili vasitəsilə dildə tətbiq olunan linqvistik prinsiplər haqqında təməl bilikləri inkişaf etdirir, dilin sosial və mədəni əhəmiyyətini daha dərindən dərk etməyə kömək edir. Fənnin tədrisində dilçilik anlayışlarının şifahi və yazılı nitq nümunələri üzərində izahına diqqət yetirilir, eyni zamanda cəmiyyətin inkişafının dilə təsiri, dil əlaqələri, dilin təfəkkürlə, siyasətlə, mədəniyyətlə qarşılıqlı əlaqəsi məsələləri müzakirə olunur.
