Bu klinik blok daxili orqan sistemlərinin xəstəliklərini, onların etiologiyasını, klinik təzahürlərini və ilkin qayğı prinsiplərini əhatə edir. Tələbələr pasiyentin qiymətləndirilməsi, qayğı planının hazırlanması, müalicə proseslərinin dəstəklənməsi və ilkin səhiyyə səviyyəsində profilaktik yanaşmaların tətbiqi üzrə bacarıqlar əldə edirlər.

Eyni zamanda klinik müşahidə, məlumatların toplanması və praktik yönümlü tədqiqat üzrə kompetensiyalar inkişaf etdirilir. Tədris prosesi Farmakologiya, Tibb bacılığı və qardaşlığının əsasları, Tibb bacılığı və qardaşlığı idarəetməsi, Ailə təbabətində tibb bacılığı və qardaşlığı, Təcili tibb bacılığı və qardaşlığı və ictimai səhiyyə fənləri üzrə müvafiq biliklərin inteqrasiyasına əsaslanır.