Fənnin tədris edildiyi dil
Azerbaijani
Fənnin təsviri
Bu fənn XIX əsrdən 1920-ci ilə qədərki dövrü əhatə edir. Əsas mövzulara Azərbaycanın Rusiya imperiyasına qatılması, sosial-iqtisadi dəyişikliklər, kənd təsərrüfatı və sənayenin inkişafı, xüsusilə neft sənayesinin yüksəlişi daxildir. Kursda maarifçilik hərəkatı, milli ziyalıların formalaşması, mətbuat və təhsil sahəsində islahatlar, həmçinin milli hərəkatın genişlənməsi öyrənilir. 1905-ci il inqilabı və onun Azərbaycana təsirləri, siyasi təşkilatların yaranması və milli mətbuatın inkişafı ayrıca araşdırılır. Kursun son bölməsi Azərbaycan Xalq Cümhuriyyətinə (1918–1920) həsr olunur, ADR-in dövlət quruculuğu, hüquqi və idarəçilik islahatları, mədəniyyət və təhsil sahəsində təşəbbüslərini, beynəlxalq münasibətlərini və süqut səbəblərini araşdırır. Tələbələr bu kurs vasitəsilə XIX əsr – XX əsrin əvvəllərində Azərbaycanın müasir dövlətçilik ənənələrinin necə formalaşdığını öyrənirlər.
