Həsənova Aida Mürsəl qızı Bakı şəhərində anadan olmuşdur. O, 1974-cü ildə
Bülbül adına Orta İxtisas Musiqi Məktəbinə daxil olmuş və 1985-ci ildə oranı
uğurla bitirmişdir. Həmin ildə Azərbaycan Dövlət Konservatoriyasının
“Fortepiano” fakültəsinə qəbul olunmuş, 1990-cı ildə Üzeyir Hacıbəyov adına
Azərbaycan Dövlət Konservatoriyasını fortepiano ixtisası üzrə professor
Tərlan Seyidovun sinfində bitirmişdir.
1990-cı ildən etibarən pedaqoji fəaliyyətə başlamış, Azərbaycan Dövlət
Konservatoriyasının nəzdindəki məktəb-studiyada müəllim kimi çalışmışdır.
1993-cü ildən Xalq çalğı alətləri kafedrasında konsertmeyster vəzifəsində
fəaliyyət göstərmiş, kafedranın tədbirlərində fəal iştirakına görə fəxri
fərmanlarla təltif olunmuşdur. 2001–2003-cü illərdə G.Şaroyev adına 11 illik
musiqi məktəbində direktor müavini vəzifəsində çalışmışdır.
2003-cü ildən Azərbaycan Milli Konservatoriyasının “Fortepiano” kafedrasında
müəllim, baş müəllim və dosent vəzifələrində fəaliyyət göstərmişdir.
2015-ci ildə “Azərbaycan bəstəkarlarının yaradıcılığında himn və odalar”
mövzusunda dissertasiya müdafiə etmiş, 2017-ci ildə sənətşünaslıq üzrə
fəlsəfə doktoru elmi dərəcəsini almışdır. Elmi məqalələri yerli və
beynəlxalq nəşrlərdə dərc olunmuş, konfranslarda məruzələrlə çıxış etmişdir.
2024-cü ildən Qarabağ Universitetinin “İnstrumental İfaçılıq” kafedrasında
baş müəllim kimi fəaliyyət göstərir.
 

Bakalvr təhsil:
Ü.Hacıbəyli adına Azərbaycan Dövlət Konservatoriyası
İxtisas: Fortepiano
1985–1990

Piano ifaçılığı; Azərbaycan piano repertuarı; İfaçılıq təcrübəsi; Piano pedaqogikası; Tarixi musiqişünaslıq