Qarayeva Afaq İlyas qızı 1985-ci ildə Bakı şəhərində anadan olmuşdur.
1992–1999-cu illərdə K. Səfərova adına 16 saylı musiqi məktəbinin fortepiano
sinfində təhsil almış, 1999–2003-cü illərdə Musiqi Texnikumunda (hazırkı ADTX)
orta ixtisas təhsilini davam etdirmişdir.
2003–2007-ci illərdə Üzeyir Hacıbəyli adına Bakı Musiqi Akademiyasında
bakalavr pilləsini (Nəzakət Rimazinin sinfi), 2007–2009-cu illərdə isə
magistratura pilləsini fərqlənmə ilə bitirmişdir. Magistratura təhsili
dövründə “Nəfəs və zərb alətləri” və “Xor dirijorluğu” kafedralarında
konsertmeyster kimi fəaliyyət göstərmişdir.
2009-cu ildən “Ümumi fortepiano”, 2012-ci ildən isə “Konsertmeyster ustalığı”
kafedrasında baş müəllim kimi fəaliyyətini davam etdirir. 2016-cı ildə
Çexiyada keçirilən beynəlxalq müsabiqənin laureatı olmuşdur.
Pedaqoji fəaliyyətlə yanaşı, ifaçı kimi konsert və müsabiqələrdə çıxış etmiş,
müxtəlif mükafatlara layiq görülmüşdür. 2022-ci ildə Naxçıvan Dövlət
Universitetində ustad dərsi keçmiş, 2023-cü ildə Kazan Dövlət
Konservatoriyasında ixtisasartırmada iştirak etmişdir.
Hazırda “Cadenza” orkestrinin icraçı direktoru və 2024-cü ildən etibarən
Qarabağ Universitetinin İfaçılıq fakültəsinin müəllimidir.

Bakalavr təhsili: Bakı Musiqi Akademiyası
İxtisas: Fortepiano
2003-2007

Magistratura: Bakı Musiqi Akademiyası
İxtisas: Fortepiano
2007-2009

Piano ifaçılığı; İfaçılıq təcrübəsi; Azərbaycan piano repertuarı; Piano pedaqogikası; Kamera musiqisi