Bu fənn maddələrin kimyəvi tərkibinin öyrənilməsi və təhlil üsullarını əhatə edir. Fənn çərçivəsində analitik kimyanın nəzəri əsasları, kvalitatif və kvantitativ analiz üsulları, titrləmə metodları (turşu-qələvi, oksidləşmə-reduksiya çökdürmə və kompleksometriya titrləmələri) öyrənilir. Həmçinin instrumental analiz metodları – spektroskopiya, xromatoqrafiya, elektroanaliz və digər müasir texnologiyalar nəzərdən keçirilir. Fənn tələbələrə maddələrin tərkibini müəyyənləşdirmək, eksperimental məlumatları toplamaq və təhlil etmək, nəticələrin etibarlılığını qiymətləndirmək və analitik üsulları kimya elminin müxtəlif sahələrində tətbiq etmək bacarığı qazandırır.