Qarabağ Universitetinin rektoru Şahin Bayramov ADA Universiteti və Elm və Təhsil Nazirliyinin birgə tərəfdaşlığı ilə keçirilən VIII ADA Beynəlxalq Təhsil Konfransında iştirak edib.

“Formal təhsil hüdudlarından kənar: sürətlə dəyişən dünya ilə ayaqlaşan təhsilə doğru” (Beyond Schooling: Education for a Rapidly Changing World) mövzusuna həsr olunan konfransın açılışında elm və təhsil naziri Emin Əmrullayev çıxış edib.

Qarabağ Universitetinin rektoru Şahin Bayramov “How to Create or Reform University: Leadership Perspectives” mövzusunda panel müzakirələrdə çıxış edərək Qarabağ Universitetinin strateji hədəfləri barədə danışıb. Rektor yeni universitet quruculuğunun xüsusiyyətlərini diqqətə çatdıraraq ADA Universiteti təcrübəsindən faydalanıldığını bildirib.

Qeyd edək ki, konfransa 7 ölkədən 230-dan çox iştirakçı qatılıb.

Ətraflı: https://edu.gov.az/az/news-and-updates/22213-1