Qarabağ Universitetinin İncəsənət fakültəsinin fəaliyyət göstərdiyi ikinci tədris binası Xankəndi şəhərinin mərkəzində yerləşir. 

Sahəsi 1900 m2 olan ikinci tədris binasında 17 ixtisas otağı, 5 auditoriya, 2 emalatxana, 1 kitabxana, 1 studiya, 1 konsert zalı, 1 akt zalı, 1 tibb otağı, 6 inzibati otaq və 7 texniki otaq olmaqla ümumilkdə 42 otaq mövcuddur.

Qarabağ Universitetinin tələbələri və əməkdaşları üçün müasir, sağlam və təhlükəsiz yaşayış şəraiti təmin edilir. 

Tələbələr üçün nəzərdə tutulmuş mənzil tipli yataqxana binaları 2 və 3 nəfərlik otaqlardan ibarət olmaqla, onların şəxsi inkişafı, sosial münasibətləri və sağlam həyat tərzini dəstəkləmək məqsədilə bütün zəruri avadanlıqlarla təchiz edilib. 

Əməkdaşlar və onların ailələri üçün ayrılmış mənzillər rahat və funksional yaşayış şəraitini təmin etmək üçün əsaslı təmir olunub və lazım olan avadanlıqlarla təchiz edilib. Universitet şəhərciyindəki bu yaşayış kompleksləri müasir kampus konseptinə uyğun şəkildə hazırlanaraq həm tələbələr, həm də əməkdaşlar üçün yüksək standartlara cavab verən mühit yaradır.